உலகப் பிரமுகர்கள் பலர் நாடுகடந்த தமிழீழ அரசாங்கத்தின் மேற்சபை உறுப்பினர்களாக நியமனம் !

இலங்கைத்தீவுக்கு வெளியே சிறிலங்காவுக்கு கடும் சவாலாக மாறியுள்ள நாடுகடந்த தமிழீழ அரசாங்கம், தனது இரண்டாவது தவணைக்காலத்துக்குரிய மேற்சபை உறுப்பினர்களாக15 வளஅறிஞர்களை,  உலகத்தின் பலபாகங்களிலும் இருந்து நியமனம் செய்துள்ளது.

உலகின் பல பாகங்களிலிருந்தும் இருந்து தென்னாபிரிக்கா, தென்சூடான், மலேசியா, இந்தியா, கனடா, பிரித்தானியா, அமெரிக்கா, பிரான்ஸ், அவுஸ்றேலியா ஆகிய நாடுகளில் இருந்து , பன்முகத்திறனும் ,அனுபவமும்  மனிதஉரிமை பாதுகாவலர்களுமாகிய இவ்வள பெருமக்கள் , மேற்சபை உறுப்பினர்களாக நியமனம் பெற்றுள்ளனர்.

சமகாலத்தில்  நாடுகடந்த தமிழீழ அரசாங்கமமுன்னெடுக்கும் முக்கிய பணிகளானது இப்பெருமக்களின் வருகையின் வழியே நன்கு உயர்வடையும் என்பது திண்ணம் எனத் தெரிவித்துள்ள நா.தமிழீழ அரசாங்கத்தின் பிரதமர் வி.உருத்திரகுமாரன், பன்முகத்தளங்களில் இப்பெரியார்கள் பெற்றுள்ள ஆழமான, நீண்டஅனுபவமும் ஆற்றலும், ஈழத்தமிழ் மக்களின் அரசியல் வேட்கைபால் இவர்கள் கொண்டுள்ள பற்றுறுதியும் நா.தமிழீழ அரசாங்கம் வலுப்பெறுவதற்கு உறுதுணையாக அமையும் என்பதிலும் எமக்குத் திடமான நம்பிக்கையுண்டு எனவும் தெரிவித்துள்ளார்.

நாடுகடந்த தமிழீழ அரசாங்கத்தின் அரசவை பரிந்துரைகமைய, அதன் யாப்பு விதி 1.8.2 இற்கு ஏற்ப இப்பிரமுகர்கள் மேற்சபை உறுப்பினர்களாக தேர்ந்தெடுக்கப்பட்டுள்ளனர் என்பது குறிப்பிடதக்கது.